Ramzan: రంజాన్ మాసం ప్రారంభం… మసీదుల దగ్గర ప్రభుత్వం ప్రత్యేక ఏర్పాట్లు…!

పవిత్ర దైవ గ్రంథం ఖురాను అవతరించినది “రమదాన్” మాసంలోనే …రమదాన్ పండుగ కు మరో పేరు “ఈద్ ఉల్ ఫిత్ర”. ఈ నెలలో ముస్లింలు భక్తిశ్రద్ధలతో ఉపవాసాలు ఫిత్రా జకాత్ దానధర్మాలు చేస్తుంటారు. పండుగలు మన జీవన స్రవంతిలో భాగమై మన జాతీయతకు, సంస్కృతీ వికాసానికి దోహదం చేస్తూ ఉన్నాయి. ఈ రంజాన్ మాసం ప్రారంభం అయ్యే సందర్భంగా ప్రభుత్వం మసీదుల దగ్గర ప్రత్యేక ఏర్పాట్లు చేస్తుంది.

పవిత్ర రంజాన్ మాసం తెలంగాణ ప్రభుత్వం ప్రత్యేక ఏర్పాట్లు చేస్తోంది. మసీదు ప్రాంతాల్లో రద్దీని దృష్టిలో ఉంచుకొని పోలీసులు భద్రత సిద్ధం చేస్తున్నారు. చారిత్రాత్మక మక్కా మసీదులో డీసీపీ సాయి చైతన్య సీసీ కెమెరాల నిర్వహణ, సర్వర్ రూమ్‌తో ఉన్న అనుసంధానాన్ని పరిశీలించారు. మక్కా మసీద్ భద్రతపై మసీద్ మత పెద్దలతో పాటు అధికారులతో చర్చించారు. తర్వాత మక్కా మసీద్ ని సందర్శించారు. ప్రత్యేక ప్రార్థన కోసం వచ్చే భక్తులకు ఇబ్బందులు కలగ కుండా పోలీస్ బందోబస్తు ఏర్పాటు చేస్తున్నారు. రేపు రాత్రి నుంచి ప్రత్యేక ప్రార్థనలు ప్రారంభమవుతున్న నేపథ్యంలో పోలీసు ప్రత్యేక ఏర్పాట్లు చేస్తున్నారు. పండుగ సందర్భంగా ఏర్పడే రద్దీ, గత అనుభవాలను దృష్టిలో ఉంచుకొని అధికారులు, పోలీసుల ఏర్పాట్లు చేస్తున్నారు.

ఇస్లామిక్ క్యాలెండర్‌లో తొమ్మిదవ నెల రంజాన్ నెల..ఇది చాలా పవిత్రమైనదిగా పరిగణించబడుతుంది. రంజాన్‌ను బర్కత్ మాసం అని కూడా పిలుస్తారు. ముస్లింలు ఉపవాస దీక్షను చేపట్టి.. ఈ నెల అంతా అల్లాను ఆరాధించాలని నమ్ముతారు. ఇలా చేయడం వలన అల్లా ఆశీర్వాదిస్తాడని విశ్వాసం. ఇస్లామిక్ క్యాలెండర్ ప్రకారం, రంజాన్ నెల ప్రారంభం కానుంది. ఈ ఉపవాస సమయంలో ప్రజలు సెహ్రీ, ఇఫ్తార్ చేస్తారు. రంజాన్ సందర్భంగా ప్రపంచవ్యాప్తంగా ముస్లింలు ఉపవాసం పాటిస్తారు.