మైత్రి మూవీ మేకర్స్ నిర్మిస్తున్న రెండు ప్రతిష్టాత్మకమైన చిత్రాలు 'వీరసింహారెడ్డి', 'వాల్తేరు వీరయ్య'. బాలకృష్ణ, చిరంజీవి నటిస్తున్న ఈ చిత్రాలు సంక్రాంతి బరిలో పోటీ పడనున్నాయి. ఇద్దరు హీరోలు వింటేజ్ లుక్స్ లో దర్శనమిస్తుండడంతో ఈ సినిమాలపై భారీ అంచనాలే నెలకొన్నాయి. ఈ రెండు చిత్రాలు షూటింగ్ పూర్తి చేసుకొని ప్రస్తుతం పోస్ట్ ప్రొడక్షన్ వర్క్స్ జరుపుకుంటున్నాయి. దీంతో మేకర్స్ సినిమా ప్రమోషన్స్ మొదలు పెట్టారు.
