Importance Sankranthi Gangireddu: సంక్రాంతి పండుగనాడు ఆడించే గంగిరెద్దుల ప్రత్యేకతలేంటో తెలుసా…?

యజమాని ఏది చెబితే అది నిష్టగా చేస్తూ, అందరినీ అలరిస్తూ, ఆకర్షిస్తున్న కళనే ఈ గంగిరెద్దులాట. అమ్మగారికీ దండం బెట్టు.. అయ్యగారికీ దండం బెట్టు.. మునసబు గారికి దండం బెట్టూ.. కరణం గారికి దండం బెట్టూ.. రారా బసవన్నా, రారా బసవన్నా   అంటూ యజమాని చెబుతూ ఉంటే.. ఆ గంగిరెద్దులు తల ఊపుతుంటే.. ఆ ఊరంతా సంబరంగా ఉంటుంది. ఊర్లోని పిల్లలు పెద్దలు ఆ గంగిరెద్దుల వెంట వెళ్తూ ఎంతో సరదాగా, సంతోషంగా గెంతుతూ తమ జీవితాలను గడుపుతారు.

సాధారణంగా సంక్రాంతి అంటే పిండి వంటలు, రంగవల్లులు, హరిదాసులు, గొబ్బెమ్మలు, కోడిపందేలు, ఎడ్ల పోటీలే కాదు.. గంగిరెద్దుల సందడి.. డూడూ బసవన్నల విన్యాసాలతో సందడిగా మారుతుంది. గంగిరెద్దుల ఆటలు లేనిదే సంక్రాంతి పరిపూర్ణం కాదు. ఇంటింటికీ వచ్చి బసవన్నలు చేసే విన్యాసాలను పెద్దలు, పిల్లలను ఎంతగానో అలరిస్తాయి. ఆకట్టుకుంటాయి. ఇంకా ఈ గంగిరద్దుల వర్ణన, వాటి ఆచారం వంటి వాటి గురించి తెలుగులో పల్లా దుర్గయ్య అనే సాహితీ వేత్త గంగిరెద్దు అనే కావ్యం కూడా రాశారు.